ჩინეთის პრეზიდენტი სი ძინპინი მოსკოვში ოფიციალური ვიზიტით ჩავიდა. ამის შესახებ ინფორმაციას რუსული მედია ავრცელებს.
ჩინეთის პრეზიდენტის თვითმფრინავი ქალაქ მოსკოვში "ვნუკოვოს" საერთაშორისო აეროპორტში დაჯდა.
რუსეთის პრეზიდენტის პრეს-სპიკერის, დიმიტრი პესკოვის განცხადებით, ვლადიმერ პუტინისა და სი ძინპინის შეხვედრა კრემლში, ადგილობრივი დროით, 3 საათზე დაიწყება.
ეს არის პირველი შემთხვევა, როდესაც ჩინეთის ლიდერი ეწვია რუსეთს, მას შემდეგ, რაც მოსკოვმა დაიწყო მისი არაპროვოცირებული, სრულმასშტაბიანი შეჭრა უკრაინაში.
ვიზიტი 3 დღის განმავლობაში, 20 მარტიდან 22 მარტის ჩათვლით გაგრძელდება.
