რუსეთის დუმის სპიკერი ვიაჩესლავ ვოლოდინი გამოდის ინიციატივით აიკრაძალოს სისხლის სამართლის საერთაშორისო სასამართლოს (ICC) რუსეთის ტერიტორიაზე საქმიანობა და დაისაჯოს ნებისმიერი, ვინც "დახმარებასა და მხარდაჭერას" უწევს ICC-ის. ეს ინიციატივა მოჰყვა სასამართლოს მიერ პუტინის დაკავების ორდერის გამოსცა.
ვოლოდინი Telegram-ზე წერს, რომ აუცილებელია საკანონმდებლო ცვლილებების შემუშავება.
"რუსეთის ფედერაციის უმაღლეს მთავარსარდალს უნდა ჰქონდეს უფლება მიიღოს ნებისმიერი ქმედება ჩვენი მოქალაქეების დასაცავად იმ შემთხვევაში, თუ საერთაშორისო სტრუქტურები მიიღებენ გადაწყვეტილებებს, რომლებიც ეწინააღმდეგება რუსეთის კონსტიტუციის ნორმებს", - წერს ის.
მისივე აზრით, მნიშვნელოვანია "მეგობარ ქვეყნებთან" ორმხრივი შეთანხმებების დასადებად სამუშაოების ორგანიზება, რომლებიც ასევე უარს იტყვიან ICC-ისთან თანამშრომლობაზე.
