"ქართული ოცნება" ვაშინგტონისგან მტკიცებულებებს მოითხოვს. ხელისუფლების ლიდერები უარყოფენ მოსამართლეების სანქცირებისთვის მიზეზების არსებობას და არ ეთანხმებიან ბრალდებას კორუფციის და კანონის უზენაესობის დაზარალების შესახებ. უფრო მეტიც, პარტიის ლიდერი და საგარეო მინისტრი საერთო, უხეში ტონალობით მიმართავენ საქართველოს მთავარ პარტნიორს და ღია შეტევაზე გადადიან.
ირაკლი კობახიძე და ილია დარჩიაშვილი ამერიკის შეერთებულ შტატებს ურთიერთობის გაუარესებით ემუქრებიან. "ქართული ოცნების" ფაქტობრივად ყველა ლიდერი დღეს გამოუვალ მდგომარეობაში იყო და იძულებული გახდა შეთქმულების თეორიები განევითარებინა და სრულიად უარგუმენტოდ დასხმოდა თავს ამერიკას.
