ამერიკის შეერთებული შტატების პრეზიდენტი, ჯო ბაიდენი, დიდი ბრიტანეთის პრემიერს, რიში სუნაკს ჩრდილოეთ ირლანდიის დედაქალაქ ბელფასტში ხვდება - ინფორმაციას The Guardian ავრცელებს. ორი ქვეყნის ლიდერი ერთმანეთს სასტუმრო "Grand Central Hotel-ის" ზედა სართულზე, ხვდება.
ბაიდენმა შეხვედრის დაწყებამდე აღნიშნა, რომ "დიდი ბრიტანეთი რჩება ერთ-ერთ ყველაზე ძლიერ და უახლოეს მოკავშირედ".
"გარდიანის" ცნობით, აშშ-ის პრეზიდენტმა ჟურნალისტებს განუცხადა, რომ ის ჩასულია "ჩრდილოეთ ირლანდიელების მოსასმენად".
The Independent-ის თანახმად, ბაიდენი 4-დღიანი ვიზიტით იმყოფება ჩრდილოეთ ირლანდიაში. აშშ-ის პრეზიდენტმა მონაწილეობა მიიღო "დიდი პარასკევის შეთანხმების" 25 წლის იუბილეს აღნიშვნაში, რომელმაც მშვიდობა მოიტანა გაერთიანებული სამეფოს ამ ნაწილში.
