რუსული მედიის ინფორმაციით ყირიმის ხიდზე მომხდარი აფეთქების საქმეზე, მოსკოვის ბასმანის სასამართლომ, ბრალდებულებს პატიმრობის ვადა 8 ივლისამდე გაუხანგრძლივა.
საქმეზე რვა პირია დაკავებული. მათგან რუსეთის 5, უკრაინის და სომხეთის 3 მოქალაქე, გამოვლენილია ტერაქტის მომზადების 12 თანამზრახველი, კრემლის მტკიცებით, მათგან 2 საქართველოს მოქალაქეა - სანდრო ინასარიძე და ვინმე ლევანი.
მოსკოვი ამტკიცებს, რომ აფეთქება უკრაინის დაზვერვის ხელმძღვანელმა კირილ ბუდანოვმა დაგეგმა.
ყირიმის, იგივე ქერჩის ხიდი, ანექსირებულ ნახევარკუნძულსა და რუსეთის სამხრეთ ნაწილს ერთმანეთთან აკავშირებს. ის გასული წლის 8 ოქტომბერს, აფეთქების შედეგად დაზიანდა.
რუსეთის ხელისუფლებამ მომხდარის შემდეგ, გასცა განკარგულება, რომლის თანახმადაც, ყირიმის ხიდი 2023 წლის 1 ივლისამდე უნდა აღდგეს.
ამავე თემაზე:
