ბედი რომ არ გექნება კაცს - ასე ეხმაურება ზურაბ გირჩი ჯაფარიძე საგამოძიებო სამსახურის იმ განცხადებას, სადაც ნათქვამია, რომ მისი და მისი თანაპარტიელის, ნიკა მოსიაშვილის დაკავების ადგილას, ვიდეოკამერების ჩამწერი მოწყობილობა დაზიანებული იყო.
შეგახსენებთ, რომ "გირჩი- მეტი თავისუფლების" ლიდერი, ზურაბ ჯაფარიძე და პარტიის წევრი, ნიკა მოსიაშვილი რუსთაველის გამზირზე გამართულ აქციაზე 7 მარტის ღამეს, აქციის დარბევისას დააკავეს. პოლიციამ მათი მისამართით ფიზიკური ძალა გამოიყენა.
ჯაფარიძე და მოსიაშვილი ადმინისტრაციულ სამართალდარღვევათა კოდექსის 166-ე და 173-ე მუხლებით დააკავეს, რაც წვრილმან ხულიგნობასა და პოლიციის კანონიერი მოთხოვნისადმი დაუმორჩილებლობას გულისხმობს.
