უკიდურეს კრიზისამდე მიყვანილი პროდასავლური პოლიტიკა და ევროპელი პარტნიორების აშკარა გულგრილობა. "ქართულ ოცნებას" ევროპის დედაქალაქებში მკაცრი თავშეკავებით შეხვდნენ. ბრიუსელში, სტრასბურგსა და პრაღაში - ყველგან, სადაც მმართველი პარტიისა და საქართველოს ხელისუფლების უმაღლესმა პირებმა მოლაპარაკებები გამართეს, აშკარად გამოჩნდა, რომ ევროპელი პარტნიორები იმედგაცრუებული არიან.
მთავარი მიზეზი კი, რა თქმა უნდა, 12-პუნქტიანი შეთანხმებაა - "ქართული ოცნება" ამტკიცებს, რომ პუნქტების უმრავლესობა შესრულებულია, მაგრამ ბრიუსელი კონკრეტულ ნაბიჯებს ვერ ხედავს და კვლავ რეფორმების გაგრძელების აუცილებლობაზე საუბრობს.
