"ოცნების" პროპაგანდისტული მანქანა სულ უფრო მძიმე მეთოდებით მოქმედებს. ოპოზიციის ლიდერების გარდა ხელისუფლების სრული კონტროლის ქვეშ მყოფი მედიის სამიზნე ხელოვნების სფეროს წარმომადგენლებიც ხდებიან.
უფრო მეტიც - "ქართული ოცნება" არც კი ერიდება, რომ დისკრედიტაციის კამპანია უკიდურესად დისკრედიტირებულ ჟურნალისტს შეუკვეთოს. Pos TV-ის მეწილე და წამყვანი შალვა რამიშვილი მსოფლიო ბანს, პაატა ბურჭულაძეს საქველმოქმედო ფონდიდან თანხის მითვისებაში ადანაშულებს. ბურჭულაძის ადვოკატმა დღეს სასამართლოში საჩივარი შეიტანა და ცილისმწამებლის პასუხისგებას მოითხოვს.
