აშშ-ის სახელმწიფო მდივანმა, ენტონი ბლინკენმა არ გამორიცხა, რომ რუსეთის ტერორიზმის სპონსორ სახელმწიფოდ გამოაცხადონ. ამის შესახებ მან აშშ-ს სენატის საბიუჯეტო კომიტეტში ჩინეთისადმი მიძღვნილ მოსმენაზე განაცხადა.
ბლინკენის განცხადება რესპუბლიკელ სენატორთან, ლინდსი გრემთან დისკუსიის დროს გაკეთდა, რომელიც დაჟინებით მოითხოვს რუსეთი ტერორიზმის სპონსორად გამოცხადდეს. მან ბლინკენს უთხრა რომ 100-მა ამერიკელმა სენატორმა მიმართა ადმინისტრაციას ამის თაობაზე, თუმცა თვეების შემდეგ შედეგი არ აქვთ.
"თვეები გავიდა და არაფერი მომხდარა. ბატონო სახელმწიფო მდივანო, ძალიან მომწონხართ, მაგრამ რუსეთს ტერორიზმის სპონსორ სახელმწიფოდ არასოდეს გამოაცხადებთ? - ჰკითხა გრემმა ბლინკენს.
ამაზე სახელმწიფო მდივანმა მოკლედ უპასუხა: "არასოდეს თქვა არასოდეს".
