"სარკეში ჩახედვა არ არის საჭირო, ბოლო სამ რეზოლუციას ჩახედონ, რომელსაც მხარი დაუჭირეს" | პაპუაშვილი ევროპარლამენტარებზე

"სარკეში ჩახედვა არ არის საჭირო, ბოლო სამ რეზოლუციას ჩახედონ, რომელსაც მხარი დაუჭირეს, მათ შორის, ქალბატონმა კალიურანდმა", - ასე ეხმაურება საქართველოს პარლამენტის თავმჯდომარე შალვა პაპუაშვილი ევროპარლამენტარ მარინა კალიურანდის მიერ გამოთქმულ კრიტიკას. ის ევროპარლამენტარებსაც მიმართავს:

„რაც ჩვენ მოვისმინეთ, აქ პიროვნული გაღიზიანებები და ანტიპათიები იგრძნობოდა ზოგიერთ განცხადებაში, რაც არ არის სერიოზული და ევროპული დამოკიდებულება. რაც შეეხება სარკეში ჩახედვას, ყველა ევროპარლამენტარს ერთ რამეს ვურჩევდი - სარკეში ჩახედვა არ არის საჭირო, ბოლო სამ რეზოლუციას ჩახედონ, რომელსაც მხარი დაუჭირეს, მათ შორის, ქალბატონმა კალიურანდმა.

ქართველი ხალხის წინააღმდეგ იმ დეზინფორმაციას და პროპაგანდას ჩახედონ, რომელიც ამ ბოლო სამ რეზოლუციაში იყო და რომელსაც პასუხი გასცა მათ შორის სტრასბურგის სასამართლომ. ის ჩანაწერები ნახონ, რომელიც მიხეილ სააკაშვილს ეხებოდა და იხილონ ის პროპაგანდა, რომელსაც აყოლილი იყო ევროპარლამენტის რეზოლუციების ინიციატორები.

დაფიქრდნენ, იქნებ, არის დრო, გამოასწორონ საკუთარი შეცდომები ქართველი ხალხის წინაშე, გადახედონ საკუთარ პოზიციებს, რომელმაც დააზიანა საქართველოს ევროპული პერსპექტივა. ამ საკითხს ასე შეხედონ“, - თქვა პაპუაშვილმა.

იხილეთ ასევე:

• დასავლელი პარტნიორები უკვე დაიღალნენ საქართველოს ხელისუფლების მხრიდან იმის მოსმენით, რომ თითქოს ჩვენ გვსურს "მეორე ფრონტი"- კალიურანდი
• პოლიტიკური საქმეები, ღარიბაშვილის რიტორიკა, ფრენები რუსეთთან... - კალიურანდი მიზეზებზე, რატომ ჩამორჩება საქართველო უკრაინასა და მოლდოვას
• პროგრესი 12 პრიორიტეტის მიმართულებით არის არასრული და ხშირად ზედაპირული - კალიურანდი