ფიზიკური ძალადობის გარდა ხელისუფლება ოპონენტებს სასამართლო კლანითაც ებრძვის. ოპოზიციის ლიდერებისა და აქტივისტების დაჯარიმება აბსურდული ბრალდებებით ფაქტობრივად ყოველდღიური მოვლენა ხდება.
სასამართლომ "გირჩი მეტი თავისუფლების" ლიდერებს, ზურაბ ჯაფარიძესა და ნიკა მოსიაშვილს 2 500-ლარიანი ჯარიმები შეუფარდა. პარტიის წევრებს გამოძიება ხულიგნობას და პოლიციისადმი დაუმორჩილებლობას ედავებოდა, თუმცა, ადვოკატების თქმით, პროკურატურამ ბრალეულობის მტკიცებულებები ვერ წარადგინა. დაცვის ინფორმაციით, დაკავების შემდეგ, პოლიციელებმა თავად სცემეს ჯაფარიძესა და მოსიაშვილს.
