მოლდოვის მთავრობამ განაცხადა, რომ კიშინიოვში რუსეთის საელჩოს აკრედიტებული დიპლომატებისა და ტექნიკური და ადმინისტრაციული პერსონალის რაოდენობა 84-დან 25-მდე შემცირდება. ინფორმაციას მედია Deschide.MD-ზე დაყრდნობით ავრცელებს.
ამ თემაზე პრემიერმის სპიკერმა, დანიელ ვოდამ პრესკონფერენციაზე ისაუბრა და თქვა, რომ დიპლომატიური თანამდებობების რაოდენობა 10-მდე შემცირდა, ტექნიკური პერსონალის რაოდენობა კი 15-მდე.
"ეს იყო ფუნდამენტური გადაწყვეტილება, რომლის შესახებაც კიშინიოვის ხელისუფლებამ შეატყობინა რუსეთის ფედერაციის წარმომადგენელს საგარეო საქმეთა სამინისტროში დღეს დილით", - განაცხადა ვოდამ.
მოგვიანებით NewsMaker-მა გაავრცელა ინფორმაცია, რომლის მიხედვითაც, მოლდოვის საგარეო საქმეთა მინისტრის კომუნიკაციების მრჩეველმა, იგორ ზახაროვმა დააკონკრეტა, რომ ხელისუფლებამ მიიღო გადაწყვეტილება რუსეთის საელჩოს 18 დიპლომატისა და 27 ტექნიკური პერსონალის წარმომადგენლის გაძევების შესახებ.
