ისრაელმა საქართველო „მწვანე ქვეყნების“ სიაში შეიყვანა. ინფორმაციას ადგილობრივი მედია ავრცელებს.
შესაბამისად, საქართველოდან დაბრუნებულ ისრაელის მოქალაქეებს იზოლაციის გავლა აღარ მოუწევთ.
საქართველოს გარდა, ისრაელის „მწვანე ქვეყნების“ ჩამონათვალში არიან: ხორვატია, ბულგარეთი, საბერძნეთი, იტალია, დიდი ბრიტანეთი, გერმანია, ჰონგ-კონგი, იორდანია, ლატვია, ლიეტუვა, ახალი ზელანდია, ესტონეთი, კანადა, რუანდა, დანია, სლოვენია და ავსტრია.
გარდა ამისა, ისრაელის ხელისუფლება ქვეყნის საჰაერო სივრცის გახსნასაც გეგმავს, სავარაუდო თარიღად 16 აგვისტო სახელდება.
