გორში პროტესტის შემდეგ გარემოვაჭრეებს მერი შეხვდა - თვითდასაქმებულები ქართლის ჩიხში მუშაობის გაგრძელებას დათანხმდნენ
გამოქვეყნდა:
გორში პროტესტის შემდეგ, გარემოვაჭრეებს ქალაქის მერი შეხვდა. ლადო ხინჩიგაშვილმა თვითდასაქმებულებს ახალ ბაზრში გადასვლის გარდა სხვა რამდენიმე ლოკიაცია შესთავაზა.
საბოლოო ჯამში გარემოვაჭრები ქართლის ჩიხში მუშაობის გაგრძელებას დათანხმდნენ, მათ მერია ინვენტარის მოწყობასაც დაპირდა.
ხინჩეგაშვილის უწყება დათქმებზე მას შემდეგ წავიდა, რაც გარემოვაჭრეები მუნიციპალური ინსპექციის მოთხოვნას არ დაემორჩილნენ და ოპოზიციური პარტიის წარმომადგენლებთან ერთად საქმიანობის გაგრძელება სცადეს. გორში დღეს დილიდან ხმაური იყო - ინსპექტორის თანამშრომლებთან დაპირისპირებისას რამდენიმე მოვაჭრე შეუძლოდ გახდა და სასწრაფოს გამოძახებაც გახდა საჭირო. ინსპექციის ხელმძღვანელმა პროტესტის მონაწილეებს პროვოკატორები უწოდა.
