"ქართული ოცნების" პროპაგანდის მიერ მტრის ხატად შერაცხული ლაზარეს წინააღმდეგ რეპრესიული მანქანა ახალი სიმძლავრით ამოქმედდა. მარტის აქციების მონაწილეს წაყენებულ ბრალს ვერ უმტკიცებდნენ, და წინა საპატიმრო ვადის ამოწურვამდე 2 თვით ადრე ხელისუფლებამ პოლიტიკურ მძევალს ახალი ბრალი და განაჩენი დააწია. იმ საქმეზე, რომელიც, სხვათა შორის, ორი წელი თაროზე იყო შემოდებული და სადაც ფორმალური დაზარალებულიც კი, ლაზარეს მამა, მისი შვილის მორალურ სიმართლეზე საუბრობს. ერთი სიტყვით, მოვლენათა ბოლო განვითარება კიდევ ერთხელ ცხადყოფს ხელისუფლების განზრახვას, ლაზარეს დასჯით სხვა ახალგაზრდები დააშინოს. ამ ბოროტების გასაჩერებლად კი ერთადერთი მქედი მექანიზმი ჩვენი, საზოგადოების ერთობაა.
