"ისრაელის მოქალაქეებო, ჩვენ ომში ვართ... და ჩვენ გავიმარჯვებთ" - ბენიამინ ნეთანიაჰუ
გამოქვეყნდა:
"ისრაელის მოქალაქეებო, ჩვენ ომში ვართ - არა რაიმე ოპერაციაში - არამედ ომში...და ჩვენ გავიმარჯვებთ," - ასე მიმართავს ისრაელის პრემიერმინისტრი ბენიამინ ნეთანიაჰუ მოქალაქეებს და აღნიშნავს, რომ "მტერი თავდასხმის ფასს გადაიხდის."
"მტერი გადაიხდის იმ ფასს, რის შესახებაც აქამდე არც კი სმენიათ," - თქვა ნეთანიაჰუმ თავდასხმის შემდეგ გაკეთებულ პირველ განცხადებაში.
ცნობისთვის, დღეს ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა დაჯგუფება "ჰამასმა" აიღო. მისმა მეთაურმა თავდასხმას ოპერაცია "ალ-აკსას შტორმი" უწოდა და პალესტინელებს შეერთებისკენ მოუწოდა.
ისრაელის შეიარაღებული ძალების ცნობით, ჰამასის წინააღმდეგ საპასუხო დარტყმებს ახორციელებენ - მათ სამხედროების მობილიზება დაიწყეს და საომარი მდგომარეობა გამოაცხადეს.
სარაკეტო თავდასხმის შედეგად დაიღუპა სულ მცირე 6 და დაშავდა ისრაელის 100-ზე მეტი მოქალაქე.
იხილეთ ასევე:
