"ყველაფერს ვაკეთებთ ისრაელიდან საფრანგეთის მოქალაქეების სამშობლოში დასაბრუნებლად" | მაკრონი

გამოქვეყნდა:

"ყველაფერს ვაკეთებთ ისრაელიდან საფრანგეთის მოქალაქეების სამშობლოში დასაბრუნებლად", - ამის შესახებ საფრანგეთის პრეზიდენტი ემანუელ მაკრონი საუბრობს. როგორც მან საფრანგეთის ეროვნულ ტელევიზიაში სიტყვით გამოსვლისას თქვა, საუბარია 17 მოქალაქეზე, რომლებიც "ჰამასის" თავდასხმების შემდეგ უგზო-უკვლოდ დაიკარგნენ. 

მაკრონი ამბობს, რომ "ჰამასი" ტერორისტული ორგანიზაციაა, რომელსაც ისრაელის ხალხის სიკვდილი სურს.  მან "ჰამასი" "ბრმა მკვლელობის სიძულვილში" დაადანაშაულა და თქვა, რომ ისრაელს თავდაცვის უფლება აქვს. 

შეგახსენებთ, 7 ოქტომბერს, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება "ჰამასმა" აიღო და მას ოპერაცია "ალ-აკსას შტორმი" უწოდა. სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია "რკინის ხმლების" დაწყება გამოაცხადა.

მთავარი 15:00
უყურეთ ბოლო გამოშვებას

იხილეთ ჩვენს ეთერში

დღის მთავარი