ისრაელმა დაადასტურა, რომ "ჰამასმა" კიდევ ორი მძევალი გაათავისუფლა. 79 წლის ნურიტ კუპერი და 85 წლის იოჩევედ ლიფშიცი, თელ-ავივში ჩავიდნენ შესაბამისი სამედიცინო დახმარების მისაღებად.
"ჰამასმა" განაცხადა, რომ ქალები გაათავისუფლეს "ჰუმანიტარული" და ჯანმრთელობის მიზეზების გამო.
ისრაელმა მადლობა გადაუხადა ეგვიპტეს მათი გათავისუფლების შუამავლობაში გაწეული დახმარებისთვის და წითელ ჯვარს იმ "მნიშვნელოვანი როლისთვის", რომელიც მან შეასრულა ორივეს სახლში დაბრუნებაში.
ისრაელის ოფიციალური პირების თქმით, ქალბატონი კუპერის ქმარი ამირამი, 85 წლის და ქალბატონი ლიფშიცის ქმარი ოდედი, 83 წლის, ჯერ კიდევ "ჰამასის" ტყვეობაში არიან ღაზაში.
მანამდე, 20 ოქტომბერს "ჰამასმა" ორი ამერიკელი მძევალი გაათავისუფლა. ბოლო შეფასებით, ისრაელი ამბობს, რომ 7 ოქტომბერს ისრაელზე მოულოდნელი თავდასხმის შემდეგ "ჰამასს" მძევლად 200-ზე მეტი ადამიანი ჰყავს.
