ვიქტორ ორბანი უკვე კრემლის სასარგებლო მოქმედებებზე გადადის. უნგრეთის ლიდერმა უკრაინისთვის 500 მილიონი ევროს დახმარების პაკეტის დაბლოკვის შემდეგ ევროკავშირის პოლიტიკის შეცვლა მოითხოვა. უნგრეთის პრემიერი ღიად ამბობს, რომ არ სჯერა ბრძოლის ველზე გამარჯვების შესაძლებლობის და ამ მიზეზით კრემლთან დამოკიდებულების კორექტირებაა საჭირო. ასეთ პირდაპირ, შიდა ამბოხს ევროპელი ლიდერები აშკარად არ ელოდნენ. ევროკავშირში სწორედ ორბანის ქმედებებისა და განცხადებების შემდეგ გაიხსენეს ლისაბონის პროტოკოლი, რომელიც ევროკავშირის ქვეყნებისთვის უფლებების ნაწილის შეჩერებას გულისხმობს.
