ისრაელის თავდაცვის სპიკერის, დანიელ ჰაგარის თქმით, ისრაელისთვის მძევლების სახლში დაბრუნება პრიორიტეტია.
"მძევლების სახლში დასაბრუნებლად ყველაფერს ვაკეთებთ. ახლა მთავარი სწორედ ესაა", - ამბობს ჰაგარი.
შეგახსენებთ, რომ 7 ოქტომბერს, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება "ჰამასმა" აიღო და მას ოპერაცია "ალ-აკსას შტორმი" უწოდა. სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია "რკინის ხმლების" დაწყება გამოაცხადა.
