ჩვენთან ერთად მოიპოვეთ თავისუფლება!
IDF-ის ინფორმაციით, ისრაელელი ჯარისკაცი ტერორისტული დაჯგუფება "ჰამასის" ტყვეობიდან გაათავისუფლეს. მძევლად აყვანილი სამხედრო, გვიან ღამით, ებრაული მხარის მიერ წამოწყებული სპეცოპერაციის ფარგლებში გაათავისუფლეს.
სამხედროს გათავისუფლების სხვა დეტალები ჯერჯერობით უცნობია.
"წუხელ, ჯარისკაცი ორი მეგიდიში, სახმელეთო ოპერაციის დროს გაათავისუფლეს. ის "ჰამასმა" 7 ოქტომბერს გაიტაცა",- წერს IDF Twitter-ზე.
სამხედროებმა ასევე განაცხადეს, რომ მეგიდიშმა გაიარა სამედიცინო გამოკვლევა, თავს კარგად გრძნობს და ოჯახთან ერთად იმყოფება. მათ მისი ფოტო გამოაქვეყნეს.
შეგახსენებთ, 7 ოქტომბერს, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება "ჰამასმა" აიღო და მას ოპერაცია "ალ-აკსას შტორმი" უწოდა. სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია "რკინის ხმლების" დაწყება გამოაცხადა.
