აშშ ისრაელისთვის იარაღის მიწოდებას თითქმის ყოველდღიურად განაგრძობს, - ამის შესახებ პენტაგონის პრესმდივნის მოადგილე, საბრინა სინგი ჟურნალისტებთან საუბრობს.
"როგორ გამოიყენებს ისრაელი იარაღს, ჩვენ შეზღუდვებს არ ვაწესებთ. ეს დამოკიდებულია ისრაელის თავდაცვის ძალებსა და იმაზე, როგორ განახორციელებენ ისინი თავიანთ ოპერაციებს", - თქვა სინგმა.
შეგახსენებთ, 7 ოქტომბერს, ღაზას სექტორიდან ისრაელზე მოულოდნელი სარაკეტო და სახმელეთო თავდასხმა წამოიწყეს. თავდასხმაზე პასუხისმგებლობა ტერორისტულმა დაჯგუფება "ჰამასმა" აიღო და მას ოპერაცია "ალ-აკსას შტორმი" უწოდა. სარაკეტო იერიშის საპასუხოდ ისრაელის თავდაცვის სამინისტრომ საომარი მდგომარეობა და ოპერაცია "რკინის ხმლების" დაწყება გამოაცხადა.
