უკრაინის ყოფილ პრემიერმინისტრსა და პარტია "ბატკივშინას" თავმჯდომარე იულია ტიმოშენკოს კორონავირუსი დაუდასტურდა. ინფორმაციას უკრაინული გამოცემა 112.ua ავრცელებს.
ტიმოშენკოს პრესმდივნის, მარინა სოროკას თქმით, უკრაინელი პოლიტიკოსის მდგომარეობა კრიტიკულია.
გავრცელებული ინფორმაციით, კოვიდ-19 დაუდასტურდათ ტიმოშენკოს ქმარსა და ქალიშვილს, არტურ და ევგენია ჩეჩოტკინებსაც.
ცნობისთვის, უკრაინაში, ამ დროისთვის, კორონავირუსის 105 ათასამდე შემთხვევაა გამოვლენილი, 2 200-ზე მეტი ინფიცირებული კი გარდაიცვალა.
მსოფლიოში კი კორონავირუსით ინფიცირებათა რაოდენობამ 23 მილიონს გადააჭარბა, 800 000-ზე მეტი ადამიანი კი გარდაიცვალა.
