დოკუმენტი, რომლითაც "ქართული ოცნება" სტრატეგიული პარტნიორების წინაშე უნდა წარსდგეს, დამტკიცებულია, თუმცა რა წერია ევროკავშირის მოთხოვნების შესრულების გეგმაში, არავინ იცის. სახელისუფლებო გუნდი თავს იკავებს დეტალების გასაჯაროებისგან და ასაიდუმლოებს მნიშვნელოვანი დოკუმენტის შინაარსს, რომელზეც დიდწილად არის დამოკიდებული ქვეყნის სტატუსის ბედი, ეს ფაქტი კი ოპოზიციას უღრმავებს ვარაუდს, რომ "ქართული ოცნება" მხოლოდ დროს აჭიანურებს და რეალური მზაობა ევროკავშირში გაწევრიანებასთან დაკავშირებით მოლაპარაკების დასაწყებად არ არსებობს.
