მნიშველოვანი გადაწყვეტილება, რომელიც 15 დეკემბერს ევროპულმა საბჭომ უნდა მიიღოს, ჯერ კიდევ კითხვის ნიშნის ქვეშ დგას. ვიქტორ ორბანის მუქარა ძალაშია, რაც იმას ნიშნავს, რომ საქართველოს, უკაინისა და მოლდოვის საკითხი ამ ეტაპზე ღიად რჩება. დღეს ევროპის პოლიტიკურ დედაქალაქში ევროკავშირის გაფართოების საკითხზე პირველი განხილვა 27 წევრი ქვეყნის დიპლომატიურმა წარმომადგენლებმა გამართეს.
ცნობილია, რომ მოლაპარაკებებმა რთულ და მძიმე ვითარებაში ჩაიარა, მიზეზი კვლავ უნგრეთის პრემიერის განაცხადია. სირთულეებისა და ახალი გამოწვევების მიუხედავად "ოცნების" ხელისუფლება დარწმუნებულია, რომ სტატუსი იქნება და ვიქტორ ორბანის შანტაჟის ფონზე ხელისუფლება ფსონს მაინც უნგრეთის ლიდერზე დებს
