თავდაცვის, ეკონომიკისა და მდგრადი განვითარების სამინისტროებში საკადრო ცვლილებები განხორციელდა
გამოქვეყნდა:
ჩვენთან ერთად მოიპოვეთ თავისუფლება!
თავდაცვის, ეკონომიკისა და მდგრადი განვითარების სამინისტროებში საკადრო ცვლილებები განხორციელდა. ინფორმაციას მთავრობის ადმინისტრაცია ავრცელებს.
"მინისტრების თანამდებობებზე დანიშვნის შემდეგ საკადრო ცვლილებები ორ სამინისტროში - თავდაცვის, ეკონომიკისა და მდგრადი განვითარებისა სამინისტროებში განხორციელდა.
ახლად დანიშნული თავდაცვის მინისტრის - ირაკლი ჩიქოვანის მოადგილე გიორგი ხაინდრავა სერგო ჯანელიძემ ჩაანაცვლა. თავდაცვის მინისტრის პირველი მოადგილის პოზიცია დატოვა ლელა ჩიქოვანმა და მოადგილემ - გიორგი ბუბუნაურმა.
ირაკლი ჩიქოვანის მოადგილეების პოსტებზე მუშაობას განაგრძობენ - დავით სუჯაშვილი და გრიგოლ გიორგაძე.
პირველი ვიცე-პრემიერის, ეკონომიკისა და მდგრადი განვითარების მინისტრის - ლევან დავითაშვილის პირველი მოადგილე რომეო მიქაუტაძე ნინო ენუქიძემ ჩაანაცვლა, რომელიც მანამდე მოადგილის თანამდებობას იკავებდა.
ლევან დავითაშვილის მოადგილეების პოსტებზე მუშაობას განაგრძობენ: მარიამ ქვრივიშვილი, გენადი არველაძე, გურამ გურამიშვილი, ირაკლი ნადარეიშვილი და ვახტანგ ცინცაძე," - ნათქვამია განცხადებაში.
ცნობისთვის, რომეო მიქაუტაძის თანამდებობიდან გათავისუფლების შესახებ ინფორმაცია "მთავარმა არხმა" გუშინ გაავრცელა. ჩვენი წყაროს ინფორმაციით, მიქაუტაძე სუს-ში გამოკითხვაზე რამდენჯერმე ჰყავდათ მიყვანილი. ანტიკორუფციულ დეპარტამენტს კითხვები მის დაუსაბუთებელ ქონებასა და შესაძლო კორუფციულ გარიგებებზე აქვს.
ასევე ნახეთ:
