პროტესტი სულ უფრო საჯარო და მასშტაბური ხდება. უზენაესი სასამართლოს ორ მოსამართლეს, რომლებმაც საჯაროდ დააფიქსირეს განსხვავებული პოზიცია დღეს სხვა მოსამართლეებიც უერთდებიან. ნინო ბაქაქურმა და ეკატერინე გასიტაშვილმა პირველებმა გადადგეს ნაბიჯი და ოფიციალურ დოკუმენტში დააფიქსირეს, რომ მათთვის არ არის პრობლემა კეთილსინდისიერების ტესტის გავლა, მაშინ, როდესაც მათი სხვა კოლეგები ასეთ გადაწყვეტილებას სასამართლო სისტემაში ჩარევად მიიჩნევენ. სასამართლო კლანს დღეს სხვა რამდენიმე მოსამართლეც დაუპირისპირდა.
