მოსამართლეთა კორპუსის პროტესტი ახალ მასშტაბებს იძენს. ეკატერინე გასიტაშვილისა და ნინო ბაქაქურის სკანდალურ განცხადებას კოლეგები სხვადასხვა სასამართლოებიდან ყოველდღიურად უერთდებიან.
ქუთაისის, თბილისისა და გორის რაიონული სასამართლოების მოსამართლეები კეთილსინდისიერების შემოწმებას მხარს უჭერენ, მეტიც ისინი მზად არიან თავად გაიარონ კიდევ ერთხელ შემოწმება მიუხედავად იმისა რომ სასამართლოებში მაღალ თანამდებობას არ იკავებენ. ციცინო კიკვაძის, გიორგი ებანოიძის, ლევან დარბაიძისა და თამარ ხაჟომიას პოზიცია დღეს ნეტგაზეთმა გაავრცელა.
ყველა ვინც მზად არის კეთილსინდისიერების ტესტი გაიაროს სასამართლო კლანისა და ხელისუფლების უმაღლესი პირების მხრიდან თავდასხმის სამიზნეში არიან. 12 გავლენიანი არასამთავრობო ორგანიზაცია დღეს ერთობლივი განცხადებით გამოეხმაურა ქართლი ოცნების დისკრიმინაციულ კამპანიას და ხელისუფლებას მოუწოდა შეწყვიტოს დამოუკიდებელი მოსამართლეების დევნა.
ავტორი: ნინო ბალანჩივაძე
