კრემლის აგენტები საქართველოში | "ოცნების" ხელისუფლება დუმს, ქვეყანაში კი რუსეთის სპეცსამსახურები იმყოფებიან
გამოქვეყნდა:
რუსეთის სპეცსამსახურებისთვის პოლიგონად ქცეული საქართველო. საქართველოს ხელისუფლების უმოქმედობით, ან ჩუმი თანხმობით კრემლის აგენტები სულ უფრო თამამად მოქმედებენ ქვეყანაში. ამერიკელ დიპლომატებზე აკუსტიკური იარაღით თავდასხმის ბოლო ისტორია ამის უშუალო დადასტურებაა. მიუხედავად სკანდალის საერთაშორისო მასშტაბისა, ქართული სპეცსამსახურები დუმილს ინარჩუნებენ. საქართველოში მომხდარ თავდასხმაზე საუბრობს მსოფლიო მედია, ამერიკული და ევროპული სპეცსამსახურები ეძებენ რუსეთის გრუს აგენტებს, ქართული სუსი და პროკურატურა კი განცხადებასაც არ ავრცელებენ. ექსპერტების შეფასებით, "ქართული ოცნების" მოქმედება ძალიან ჰგავს რუსეთისთვის ხელშეწყობას.
