მკაფიო გაფრთხილება ქვეტექსტების გარეშე, ხისტი დიპლომატიური ენით. სტრატეგიული პარტნიორების ელჩები უკვე მერამდენედ ოლიგარქის ხელისუფლებას ეუბნებიან, რომ რუსული კანონი წითელი ხაზია, რომლის გადაკვეთის შემთხვევაში საქართველოს ევროკავშირში ინტეგრაციის პროცესი შესაძლოა შეჩერდეს. ამ თემაზე გაკეთებული განცხადებებიდან დღეს გამორჩეული იყო გერმანელი დიპლომატის გზავნილი. "ქართული ოცნება" ბერლინში დაგეგმილ უმაღლესი დონის შეხვედრამდე ერთ დღით ადრე მწვავე კრიტიკის ობიექტი გახდა. დიდი ალბათობით ირაკლი კობახიძეს ბერლინში პირადად მოუწევს კრიტიკის მოსმენა ოლაფ შოლცისგან, რომლის დამოკიდებულებაც რუსული კანონის მიმართ საჯარო და ცნობილია.
