ქუთაისში სარესტორნო ქსელ "ვენდისის" თანამშრომელს კორონავირუსი დაუდასტურდა. დაავადებათა კონტროლის ცენტრის ინფორმაციით, თანამშრომელს ტესტირება გუშინ, 9 სექტემბერს ჩაუტარდა და პასუხი დადებითი აღმოჩნდა.
ამ დროისთვის ობიექტი დაკეტილია, თანამშრომლებს ტესტირება უკვე ჩაუტარეს და ისინი თვითიზოლაციაში არიან. არსებული ინფორმაციით, "ვენდისში" 32-ე საჯარო სკოლის თანამშრომლები იყვნენ და ვირუსიც, სავარაუდოდ, მათგან გავრცელდა.
შეგახსენებთ, რომ ქუთაისში, კორონავირუსი 32-ე საჯარო სკოლის 21 თანამშრომელს დაუდასტურდა.
კორონავირუსი დაუდასტურდა ქუთაისის მერიის თანამშრომელსაც.
ბოლო 24 საათში, საქართველოში კორონავირუსით ინფიცირების 57 ახალი შემთხვევა გამოვლინდა, რაც რეკორდული მაჩვენებელია. გამოჯანმრთელდა 9 ადამიანი.
ბოლო მონაცემებით საქართველოში:
- კორონავირუსით ინფიცირებულია - 1830;
- გამოჯანმრთელებულია - 1334;
- მათ შორის გარდაცვლილია - 19;
- კარანტინის რეჟიმში რჩება - 5882;
- სტაციონარში მეთვალყურეობის ქვეშ - 390, მათ შორის საქართველოში სამკურნალოდ გადმოყვანილია - 41 პაციენტი.
