"ათიათასობით ქართველი აჩვენებს, რომ ევროპის გული მხოლოდ ვარშავასა და ლისაბონს შორის არ სცემს - ის თბილისის ქუჩებშიც გამოიტანეს", - ამის შესახებ განცხადებას გერმანიის საგარეო საქმეთა მინისტრი, ანალენა ბერბოკი სოციალურ ქსელში ავრცელებს და რუსული კანონის საწინააღმდეგო აქციებს ეხმიანება.
"ალბათ ეს ახალ ამბებში გინახავთ. საქართველოში ათიათასობით ადამიანი კვირების განმავლობაში საპროტესტო აქციებში მონაწილეობს, რათა მათი ქვეყანა ევროკავშირის წევრი გახდეს: სტუდენტები, მშობლები, ბებია-ბაბუა შვილიშვილებთან ერთად. ისინი აპროტესტებენ თავიანთი მთავრობის მიერ ინიცირებულ კანონს, რომელიც მიზნად ისახავს შეზღუდოს არასამთავრობო ორგანიზაციებისა და სამოქალაქო საზოგადოების ორგანიზაციების მუშაობა, რომლებიც ნაწილობრივ საზღვარგარეთიდან ფინანსდებიან.
კანონის უზენაესობა, დემოკრატიული სტანდარტები და მედიის თავისუფლება აუცილებელია ევროკავშირში გაწევრიანებისთვის. და ათიათასობით ქართველი ადამიანი აჩვენებს, რომ ევროპის გული მხოლოდ ვარშავასა და ლისაბონს შორის არ სცემს. ის თბილისის ქუჩებშიც ამ დემოკრატიულმა, ცოცხალმა და კრიტიკულმა სამოქალაქო საზოგადოებამ გამოიტანა. საქართველოს ევროკავშირის კანდიდატის სტატუსი ისტორიული შესაძლებლობაა. და ხელისუფლებაზეა დამოკიდებული ამ ხმის მოსმენა," - წერს ბერბოკი.
