"ევროპული პოლიტიკა მოწამლულია სიძულვილით" | კობახიძემ მხარდაჭერა ამჯერად დუმის თავმჯდომარისგან მიიღო

გამოქვეყნდა:

დუმის თავმჯდომარე ვიაჩესლავ ვოლოდინი ამტკიცებს, რომ  "ევროპული პოლიტიკა მოწამლულია სიძულვილით  და ავიწროებს მათ, ვინც მათ არ ემორჩილება".

ვოლოდინს საკუთარ Telegram არხზე ამის მაგალითად ირაკლი კობახიძის სიტყვები მოჰყავს, რომ ევროკომისარი მას "დაემუქრა".

"ევროპული პოლიტიკა მოწამლულია სიძულვილის ატმოსფეროთი, რომელიც გამსჭვალულია ძალადობის კულტით მათ მიმართ, ვინც ინარჩუნებს დამოუკიდებელ თვალსაზრისს, რომელიც არ ემთხვევა აშშ-ს ხელმძღვანელობით დასავლური ელიტების ნეოკოლონიურ ინტერესებს.

ევროპაში ჩვეულებრივი გახდა ვაშინგტონისა და ბრიუსელის მხრიდან მათი შევიწროება, ვინც არაა მზად მათ ბრმად დაემორჩილოს. მაგალითები საკმარისია: უნგრეთი, სლოვაკეთი, საქართველო, სერბეთი, სერბთა რესპუბლიკა ბოსნია-ჰერცეგოვინის შემადგენლობაში. პირდაპირ ძალადობამდე მიდის საქმე.

სლოვაკი დეპუტატები, თავიანთი პრემიერის მკვლელობის მცდელობის გარემოებებზე მსჯელობენ, აღნიშნავენ, რომ ამერიკული ლიბერალური მედია შეგნებულად არ ამბობს, რომ ტერორისტი, რომელმაც რობერტ ფიცოს მოკვლა სცადა, პროუკრაინული პოლიტიკური ფანატიკოსია. ვაშინგტონი ავრცელებს სიცრუეს, რათა დამალოს ის ფაქტი, რომ პოლიტიკური ძალადობა გამოიყენება საკუთარი აქტივისტების მიერ.

ეს სიტუაცია შორს არის უნიკალურისგან.

როგორც საქართველოს პრემიერმა თქვა, ერთ-ერთმა ევროკომისარმა საუბრის დროს დააშინა რიგი ზომებით, რომელთა მიღებაც დასავლელ პოლიტიკოსებს შეუძლიათ, თუ უცხოელ აგენტებზე ვეტოს დაძლევენ და მაგალითად მოიყვანა ბოლო მცდელობა, სლოვაკეთის პრემიერ-მინისტრი: ხედავ ფიცოს რა დაემართა და ძალიან ფრთხილად უნდა იყო.

მუქარა, შანტაჟი და ძალადობა ვაშინგტონისა და ბრიუსელის პოლიტიკის საფუძველი გახდა. ეს მსუბუქად არ უნდა მივიღოთ და არ უნდა შემოვიფარგლოთ მხოლოდ განცხადებებით. ყოველი ფაქტი უნდა იყოს გამოძიებული, დამნაშავეებმა კი პასუხი უნდა აგონ" - წერს ვოლოდინი 

ცნობისთვის, პრემიერმა კობახიძემ 23 მაისს განცხადება გაავრცელა, სადაც წერდა, რომ ევროკომისარი სატელეფონო საუბარში სლოვაკეთის პრემიერმინისტრის, რობერტ ფიცოს "ბედის გაზიარებით დაემუქრა". 

24 მაისს განცხადება გაავრცელა ოლივერ ვარჰეიმ და აღნიშნა, რომ მისი სატელეფონო საუბარი კობახიძემ კონტექსტიდან ამოგლეჯილი ფორმით გაავრცელა. 

აღსანიშნავია, რომ კობახიძეს 24 მაისს პუტინიც გამოესარჩლა. მოგვიანებით კი ერთ-ერთი რუსი სენატორი

მთავარი 18:00
უყურეთ ბოლო გამოშვებას

იხილეთ ჩვენს ეთერში

დღის მთავარი