გლობალური პოლიტიკა, დეზინფორმაციასთან ბრძოლა, მედია-თავისუფლება და პოლიტიკური კრიზისი, რომელშიც საქართველო აღმოჩნდა - ეს ის საკითხებია, რაზეც მთელი დღის განმავლობაში ლიდექსის რიგით 5-ე საერთაშორისო სამიტზე მსჯელობდნენ. თბილისში ჩამოსული საერთაშორისო ორგანიზაციების წარმომადგენლები, ანალიტიკოსები და რეპორტიორები მსოფლიოს გამოწვევებთან ერთად იმ გამოსავლის გზებს განიხილავდნენ, თუ როგორ უნდა დაუბრუნდეს საქართველო დემოკრატიულ რელსებს. მთავარი აქცენტი ბუნებრივია არჩევნებზე გაკეთდა, რომელიც ქვეყნისთვის ერთადერთი და მთავარი შესაძლებლობაა, განაგრძოს სვლა ევროატლანტიკური სტრუქტურებისკენ და არ დარჩეს მარტო აგრესორი რუსეთის პირისპირ.
