"ორშაბათს საქართველოსთან დაკავშირებით EU-ს საგარეო საქმეთა მინისტრები იმსჯელებენ. გადაწყვეტილება არ იქნება", - ამის შესახებ ჟურნალისტი რიკარდ იოზვიაკი ევროკავშირის მაღალი თანამდებობის პირზე დაყრდნობით X-ზე წერს.
"ევროკავშირის მაღალი თანამდებობის პირი ამბობს, რომ პრინციპში არანაირი გადაწყვეტილება არ მიიღება ორშაბათს საქართველოსთან დაკავშირებით, როდესაც ევროკავშირის საგარეო საქმეთა მინისტრები შეხვდებიან. უბრალოდ იქნება მსჯელობა, მაგრამ "ადრე თუ გვიან" ვნახავთ, როგორ მოვიქცეთ," - წერს იოზვიაკი.
