"ძალიან მოკლე შეხვედრა გვქონდა, უბრალოდ ვუთხარით, "გამარჯობა, როგორ ხარ". ძალიან მოკლე შეხვედრა იყო. მე ის [კობახიძე] ძალიან მომწონს. ქართველი ხალხიც მომწონს", - ამის შესახებ სასტუმრო "ადლონიდან" გამოსვლის შემდეგ, სადაც საქართველოს დამოუკიდებლობის დღისადმი მიძღვნილი საზეიმო ღონისძიება მიმდინარეობდა, უნგრეთის პრემიერმინისტრი ვიქტორ ორბანი საუბრობს. კობახიძესთან შეხვედრის შესახებ ორბანს შეკითხვა ჟურნალისტმა თამუნა ილურიძემ დაუსვა და ვიდეოც სოციალურ ქსელში მან გაასაჯაროვა.