ევროკავშირის წევრი სახელმწიფოების დიპლომატიური უწყებების უმძიმესი გზავნილები. ქვეყნის ევროინტეგრაციის პროცესის შეჩერებაზე დღეს საფრანგეთის ელჩი საუბრობს. შერაზ გასრის თქმით, პროცესი ამ ეტაპზე დაპაუზებულია, თუმცა, მიუხედავად ამისა, ყველაფერი "ქართული ოცნების" ნაბიჯებზე იქნება დამოკიდებული.
დიპლომატის განცხადებით, საფრანგეთის მთავრობამ უკვე გადახედა საქართველოს ხელისუფლების დაფინანსების საკითხს და მისი აღდგენა ქვეყნის ევროპული პერსპექტივის დაბრუნებაზე იქნება დამოკიდებული. განცხადება ელჩმა გასრიმ ბასტილიის აღების დღესთან დაკავშირებულ მიღებაზე გააკეთა, სადაც, აღსანიშნავია, რომ ირაკლი კობახიძეს სიტყვით გამოსვლის საშუალება არ მიეცა.
ავტორი: ზურა პეტროსიანი
