გერმანიის საგარეო საქმეთა სამინისტროს განცხადებით, ევროკავშირის საბჭოში უნგრეთის თავმჯდომარეობამ უკვე დიდი ზიანი გამოიწვია.
უნგრეთი 1 ივლისს როტაციული პრინციპით გახდა თავმჯდომარე ქვეყანა მომდევნო 6 თვის განმავლობაში. უნგრეთის ულტრამემარჯვენე პრემიერმინისტრმა, ვიქტორ ორბანმა ბოლო დღეებში რუსეთსა და ჩინეთში ევროკავშირის კოლეგების მხარდაჭერის გარეშე მოგზაურობით დაპირისპირება გამოიწვია. გუშინ, 11 ივლისს, ორბანი ფლორიდაში აშშ-ის პრეზიდენტობის კანდიდატ, დონალდ ტრამპსაც შეხვდა.
გერმანიის სამინისტროს სპიკერმა კითხვაზე, თუ როგორ აპირებდა ბერლინი რეაგირებას ორბანის ბოლო დიპლომატიურ ვიზიტებზე უპასუხა, რომ მათ "უნდა ნახონ, როგორ გაგრძელდება უნგრეთის საბჭოს თავმჯდომარეობა... მე-12 დღეა და ამან უკვე დიდი ზიანი მოგვიტანა".
