დიდი გეოპოლიტიკური გადალაგება რეგიონში და რუსეთისგან განდგომილი სომხეთი. 32-წლიანი მუშაობის შემდეგ რუსმა მესაზღვრეებმა დღეს ერევნის საერთაშორისო აეროპორტი საბოლოდ დატოვეს. მოთხოვნა ოფიციალურ მოსკოვს ფაშინიანმა ორი თვის წინ გაუგზავნა და კრემლი იძულებული გახდა ის დაეკმაყოფილებინა. მიუხედავად იმისა, რომ რუსი სამხედროების უდიდესი ნაწილი სომხეთის საზღვრებს ამ დრომდე აკონტროლებს, მოსკოვში დარწმუნებულები არიან რომ ერევნის შემდეგი მოთხოვნა სწორედ მათი გაყვანა იქნება. ამ ფონზე აქტიურად მიმდინარეობს დაახლოება ევროატლანტიკურ სტრუქტურებთან. პირველი სამეხდრო წვრთნები შეერთებულ შტატებთან უკვე დასრულებულია.
ავტორი: ზურა პეტროსიანი
