ისრაელის თავდაცვის ძალების სარდლობამ გასცა ბრძანება, რომელიც კრძალავს ქვეყნის სამხედრო მოსამსახურეებისთვის საქართველოსა და აზერბაიჯანში ყოფნას. ამის შესახებ ინფორმაციას ადგილორბრივი რუსულენოვანი გამოცემა strana.co.il ავრცელებს.
საქართველოსა და აზერბაიჯანში მყოფ ისრაელის სამხედრო პერსონალს დაევალა დაუყოვნებლივ დატოვონ ეს ქვეყნები. ბრძანება ეხება როგორც წვევამდელებს, ასევე საკონტრაქტო ჯარისკაცებს. ისრაელის მედიის ინფორმაციით, ბრძანება გაიცა ირანის მუქარის ფონზე, რომ ისრაელის ობიექტებზე საზღვარგარეთ შეტევები განხორციელდება, საქართველოსა და აზერბაიჯანში კი ირანის ბევრი მოქალაქე ცხოვრობს და ეს ქვეყნები თეირანთან ახლო ურთიერთობებს ინარჩუნებენ.
