დააკავეს მეთიუ პერის გარდაცვალებასთან კავშირში მყოფი 5 პირი, მათ შორის ექიმები და მსახიობის თანაშემწე
გამოქვეყნდა:
მსახიობ მეთიუ პერის გარდაცვალებასთან კავშირში მყოფი 5 პირი დააკავეს - მედიის ინფორმაციით, დაკავებულთა შორის არიან ორი ექიმი, მეთიუ პერის თანაშემწე, ასევე ნარკოტიკული საშუალებით მოვაჭრე ორი პირი, რომელთაც ბრალად პერისთვის დიდი რაოდენობის კეტამინის მიყიდვა ედებათ.
გამოძიება ამტკიცებს, რომ ბრალდებულებმა, გამდიდრების მიზნით, მსახიობის ნარკოდამოკიდებულებით ისარგებლეს.
"შესანიშნავად იცოდნენ, რომ ამით მსახიობს დიდ საფრთხეს უქმნიდნენ, თუმცა ეს მაინც გააკეთეს", - განაცხადა ამერიკელმა ადვოკატმა, მარტინ ესტრადამ.
შეგახსენებთ, რომ სერიალ Friends-ის ვარსკვლავი, მსახიობი მეთიუ პერი 2023 წლის 29 ოქტომბერს გარდაიცვალა.
