"მთავარი არხის" ინფორმაციით, სტამბოლში მოკლული ქართველი ქალი ქუთაისში მცხოვრები მაია ალფაიძეა. თურქული მედიის ინფორმაციით, ბეიოღლუს რაიონში, ერთ-ერთ სასტუმროში ქალს სასიკვდილოდ შეყვარებულმა სცემა. მას პირველადი დახმარება სასწრაფო დახმარების ჯგუფებმა გაუწიეს, რის შემდეგაც კლინიკაში გადაიყვანეს, თუმცა მისი გადარჩენა ვერ მოხერხდა.
კაცმა შემთხვევის ადგილიდან გაქცევა სცადა, თუმცა ის სასტუმროს თანამშრომელმა დააკავა. რადიკალურად განსხვავებული ვერსია აქვთ მოკლულის ახლობლებს. 49 წლის მაია ალფაიძის მეზობლები ამბობენ, რომ ქალს მძიმე დიაგნოზი ჰქონდა, თუმცა გარდაცვალების ზუსტ მიზეზს ვერ ასახელებენ.
"მთავარი არხი" ესაუბრა მოკლულის შვილსაც, რომელმაც ამ დროისთვის მომხდარზე დეტალები არ იცის.
დედა იყო ჩემი დეტალური ინფორმაცია არ მაქვს იმასთან დაკავშირებით, თუ როდის იქნება ჩამოსვენება სავარაუდო, ხვალ თუ წამოვიდა, ზეგ ჩამოვა, ზეგ თუ წამოვიდა მაზეგ ჩამოვა. სავარაუდოდ, 1 კვირის ვადაში... ვერ გეტყვი ზუსტ დეტალს. [ჟურნალისტი: რამდენ ხანს იყო თურქეთში?] დაახლოებით 10 წელი..., - ამბობს მოკლული ქალის შვილი "მთავარ არხთან".
სტამბოლში მოკლული ქართველი ქალის ცხედარი ამ დროისთვის სტამბოლში, ექსპერტიზაზეა გადასვენებული.
იხილეთ ასევე:
