ძალიან აღგზნებული ხართ ქალბატონო - ასე მიმართა ჟურნალისტს მეუფე სერაფიმემ. მისი გაღიზიანება იმ კითხვამ გამოიწვია, რომელიც მმართველი პარტიის საარჩევნო კამპანიაში, მღვდელმთავრების მონაწილეობას უკავშირდება.
ეკლესიაში არ თვლიან, რომ მაღალი იერარქიის სასულიერო პირების გამოჩენა "ქართული ოცნების" პარტიულ ღონისძიებებზე მათ მხარდაჭერას ნიშნავს. გარდა ამისა, ამბობენ, რომ ქვეყანაში არის დემოკრატია და სასულიერო პირს, რომელიც ქვეყნის მოქალაქეა, შეუძლია თავად მიიღოს გადაწყვეტილება, დაესწრება თუ რა რომელიმე პარტიულ შეკრებას.
პატრიარქის მოსაყდრე, მეუფე შიო თვლის, რომ "მხარდაჭერა არის სიტყვიერი განცხადება" და ამ შემთხვევაში კონკორდატი არ ირღვევა.
ვანისა და ბაღდათის მიტროპოლიტი, მეუფე ანტონი, რომელიც თავადაც ესწრებოდა "ოცნების" მაჟორიტარობის კანდიდატის, გივი ჭიჭინაძის წარდგენას, ამბობს, რომ ეკლესია ყოველთვის მარს უჭერს იმას, ვინც ხელისუფლებაშია
