უნივერსიტეტს, სადაც ბაჩალიაშვილმა სტაჟირება გაიარა, სპეცსამსახურები აკონტროლებენ - დავით ფურცხვანიძე

თამარ ბაჩალიაშვილის საქმის ახალი ფიგურანტი დავით ფურცხვანიძე ამბობს, რომ ბაჩალიაშვილმა საფრანგეთში სტაჟირება ისეთ დაწესებულებებში გაიარა, რომლებსაც სპეცსამსახურები აკონტროლებენ:

ორი სამეცნიერო-კვლევითი უნივერსიტეტი, ორივე დაწესებულება, სადაც თამარმა სტაჟირება გაიარა, სპეცსამსახურების გავლენისა და კონტროლის ქვეშ არის- ამბობს ბურცხვანიძე და ფულის გათეთრების მასშტაბურ სქემაზე საუბრობს, რომელშიც მისი თქმით, სწორედ კომპანია ZAG-ის ხელმძღვანელი, აბრაჰამ რეიხბახია დაკავშირებული:

საქმე ეხება მასშტაბურ ფინანსურ თაღლითობას, ფულის გათეთრებას, რომელშიც გარეულია სამხრეთ კავკასია თავისი ყველა ქვეყნით და აქ საქართველოსაც უჭირავს გარკვეული როლი. ამ საქმეში ერთ-ერთი ძირითადი ფიგურანტი გახლავთ აბრაჰამ რეიხბახი, რომლის მიმართ ინტერესი 6-7 წლის წინ გაჩნდა და რაკი რეიხბახს საქართველოში თავისი სტრუქტურები აქვს და კომპანია ZAG პირდაპირ არის მის სახელთან დაკავშირებული

თამარი იყო შეხებაში ძალიან მნიშვნელოვან და სერიოზულ ინფორმაციებთან. თამარი გახლდათ ძალიან სერიოზული სპეციალისტი, მისი ძირითადი პროფილი გახლდათ ინფორმაციის სისტემატიზება, დალაგება და ანალიზისთვის გამზადება. ეს ინფორმაციები შეეხებოდა დიდ მონაცემთა სისტემებს, რაც სერიოზული ბერკეტია პერსონალური მონაცემების სიღრმისეული ანალიზისთვის“- ამბობს ფურცხვანიძე.

შეგახსენებთ, რომ დავით ფურცხვანიძემ თამარ ბაჩალიაშვილის საქმეში მას შემდეგ გამოჩნდა, რაც ადვოკატმა მიხეილ რამიშვილმა სატელიტური ფოტოები გაასაჯაროვა. ფოტოები კი მას სწორედ ფურცხვანიძემ გადასცა.

საქართველოს პროკურატურა ამბობს, რომ ფოტოები ყალბი და დამონტაჟებულია.

რაც შეეხება კომპანია ZAG-ს. პირველივე დღიდან გაჩნდა ვერსია, რომ ბაჩალიაშვილის საქმე მის სამსახურთან იყო დაკავშირებული. აბრაჰამ რეიხბახთან ინტერვიუ ჩაწერა "მთავარმა არხმაც". ის გადაცემა "დღის სტუმარის" წამყვანთან ინტერვიუში ამბობდა, რომ ბაჩალიაშვილი სამსახურიდან წასვლას აპირებდა, მისივე თქმით, თამარი, სხვების მსგავსად, პროგრამებს წერდა