"...მხოლოდ ფინანსური დახმარების გაყინვა საკმარისი არ არის, ჩვენ უნდა შევაჩეროთ პოლიტიკური კონტაქტები ე.წ. "არჩეულ" დეპუტატებთან" | აუსტრევიჩუსი
გამოქვეყნდა:
"...მხოლოდ ფინანსური დახმარების გაყინვა საკმარისი არ არის, ჩვენ უნდა შევაჩეროთ პოლიტიკური კონტაქტები ე.წ. "არჩეულ" დეპუტატებთან", - ამის შესახებ ევროპარლამენტარმა პეტრას აუსტრევიჩუსმა ევროპარლამენტის საგარეო საქმეთა კომიტეტის სხდომაზე ისაუბრა, სადაც საქართველოში არსებული მდგომარეობა და 26 ოქტომბრის არჩევნები განიხილეს.
"...ჩვენ ჩუმად ვერ ვიქნებით და გამოსავალიც უნდა ვიპოვოთ. ერთ მაგალითს შეგახსენებთ, როდესაც ვიქტორ ორბანი ინდივიდუალუი ვიზიტით საქართველოს დედაქალაქში ჩავიდა და [არჩევნების] შედეგებს დემოკრატიული უწოდა. ეს ევროკავშირის პოზიცია არაა და სამწუხაროდ, უნგრეთის პრემიერი ცუდად მოიქცა - რეზოლუციაში, რომელსაც მომავალ კვირას მივიღებთ, ეს ცხადად უნდა დავაფიქსიროთ.
მე არ შემიძლია წარმოვიდგინო, რომ ჩვენ ვხვდებით საქართველოს ე.წ. "არჩეულ" პარლამენტის წარმომადგენლებს. თქვენ შეგიძლიათ ამის წარმოდგენა?! აქედან გამომდინარე, მხოლოდ ფინანსური დახმარების გაყინვა საკმარისი არ არის, ჩვენ უნდა შევაჩეროთ პოლიტიკური კონტაქტები მათთან და კავშირი მხოლოდ არჩეულ პარტიებთან გვქონდეს. ჩვენ საკმარისად ძლიერები უნდა ვიყოთ", - განაცხადა აუსტრევიჩუსმა.
იხილეთ ასევე:
- "26 ოქტომბრის არჩევნებმა ქვეყნის დემოკრატიის მდგომარეობის შესახებ შეშფოთება გამოიწვია... კანდიდატი ქვეყნისთვის ასეთი შეფასება ძალიან დამაზიანებელია" | მაკალისტერი
- "საქართველო რუსული ოლიგარქიული სტილით შეპყრობილია...ეს არ იყო დემოკრატიული არჩევნები...მე მხარს ვუჭერ სანქციებს" | იუკნევიჩიენე
- "არ შეიძლება იმის თქმა, რომ ეს თავისუფალი და სამართლიანი არჩევნები იყო...ადგილი ჰქონდა ყველა სახის გაყალბებას" | ლუაზო
