"გადავწყვიტეთ დავიწყოთ საქართველოს ერთგულების გადახედვა ჩვენი საერთო დემოკრატიული ღირებულებებისადმი," - ამის შესახებ NATO-ს საპარლამენტო ასამბლეის პრეზიდენტმა, მარკუს პერესტრელომ განაცხადა.
"კვირების განმავლობაში ქართველმა ხალხმა აჩვენა თავისი ურყევი ერთგულება დემოკრატიული, ევროპული საქართველოს მიმართ. საქართველოს პოლიტიკურმა ლიდერებმა საბოლოოდ უნდა მოისმინონ და ბოლო მოუღონ მათ მიერ შემუშავებულ დემოკრატიულ უკუსვლას. ჩვენი ასამბლეა მუდმივად მხარს უჭერს საქართველოს დემოკრატიულ, ევროპულ და ევროატლანტიკურ მისწრაფებებს. ჩვენ გავაგრძელებთ ასე. სწორედ ამიტომ გადავწყვიტეთ დავიწყოთ საქართველოს ერთგულების გადახედვა ჩვენი საერთო დემოკრატიული ღირებულებებისადმი, რაც განსაზღვრავს ჩვენი პარტნიორობის სამომავლო განვითარებას. ქართული დელეგაციის ხელმძღვანელისადმი, გივი მიქანაძისადმი გაგზავნილ წერილში, მე მოვუწოდე მას და ქართული დელეგაციის სხვა წევრებს, გამოიყენონ თავიანთი გავლენა საქართველოს დემოკრატიულ გზაზე სასწრაფოდ დასაბრუნებლად," - განაცხადა მარკუს პერესტრელომ.
