"საქართველოში პოლიტიკურმა ძალადობამ ახალ დონეს მიაღწია," - ამის შესახებ სოციალურ ქსელში განცხადებას ჩეხეთის საგარეო საქმეთა სამინისტრო ავრცელებს და პარტია "საქართველოსთვის" ლიდერსა და ყოფილ პრემიერმინისტრზე გიორგი გახარიაზე თავდასხმას ეხმიანება.
"შოკირებული ვართ საქართველოს ყოფილ პრემიერმინისტრზე, გიორგი გახარიაზე სასტიკი თავდასხმის გამო. საქართველოში პოლიტიკურმა ძალადობამ ახალ დონეს მიაღწია. მოვუწოდებთ საქართველოს ხელისუფლებას, გამოიძიოს ეს საქმე და თავიდან აიცილოს პოლიტიკური და სამოქალაქო ოპოზიციის მიმართ შემდგომი ძალადობა," - წერია განცხადებაში.
