აჭარის საზოგადოებრივი მაუწყებლის თანამშრომელს კორონავირუსი დაუდასტურდა
გამოქვეყნდა:
აჭარის საზოგადოებრივი მაუწყებლის თანამშრომელს კორონავირუსი დაუდასტურდა. ამის შესახებ ინფორმაციას ტელევიზია ავრცელებს. მათი თქმით, ინფიცირებული თანამშრომელი თავს კარგად გრძნობს და ის დაკვირვების ქვეშ კოვიდ-სასტუმროში იმყოფება.
მათივე განცხადებით, მანამდე კორონავირუსი თანამშრომლის ოჯახის წევრს დაუდასტურდა. მაუწყებელში ამბობენ, რომ პირი ბოლო 6 დღის განმავლობაში ტელევიზიაში არ ყოფილა.
შეგახსენებთ, რომ ეს ტელევიზიაში ინფიცირების პირველი შემთხვევა არაა. მანამდე ვირუსი დაუდასტურდა არხის ოპერატორს, უფრო ადრე კი სხვა თანამშროემლს, რის გამოც დროებით მაუწყებელმა მუშაობა შეაჩერა.
დღეს 3 ოქტომბერს საქართველოში დადასტურებული 471 ახალი შემთხვევიდან 360 აჭარიდანაა.
გარდაიცვალა 2 პაციენტი და გარდაცვლილთა საერთო რაოდენობა 48 გახდა.
ბოლო მონაცემებით საქართველოში:
- კორონავირუსით ინფიცირებულია - 7 564;
- გამოჯანმრთელებულია - 3 992;
- მათ შორის გარდაცვლილია - 48;
- კარანტინის რეჟიმში რჩება - 5 392;
- კოვიდ სასტუმროში მყოფი პირები - 1 100;
- სტაციონარში მეთვალყურეობის ქვეშ - 836, მათ შორის საქართველოში სამკურნალოდ გადმოყვანილია - 41 პაციენტი.
შეგახსენებთ, რომ კორონავირუსის პირველი დადასტურებული შემთხვევა საქართველოში 26 თებერვალს გამოვლინდა.
