ინდოეთის ჯანდაცვის მინისტრის თქმით, დღეს, 3 ოქტომბერს, ქვეყანაში კორონავირუსით გარდაცვლილთა რიცხვმა 100 842-ს მიაღწია. ეს მსოფლიოში, აშშ-სა და ბრაზილიის შემდეგ, COVID-19-ით დაღუპულთა ყველაზე მაღალი მაჩვენებლია.
უკანასკნელი ცნობებით, ინდოეთში კოვიდინფიცირება ჯამში 6 მილიონზე მეტ პირს დაუდგინდა. სექტემბერში ვირუსით ქვეყანაში დღეში საშუალოდ 1 000 ადამიანი იღუპებოდა. ექსპერტების თქმით, ამგვარი სტატისტიკა კოვიდტესტირების არასაკმაირისი რაოდენობის ბრალია.
შეგახსენებთ, რომ ბოლო მონაცემებით, მსოფლიოში ინფიცირებულთა საერთო რაოდენობამ 34 მილიონს გადააჭარბა, მათგან გამოჯანმრთელდა თითქმის 26 მილიონი ადამიანი და გარდაიცვალა 1 მილიონზე მეტი.
