კოალიცია "ძლიერი საქართველო" სტრასბურგის სასამართლოს მიმართავს. როგორც კოალიციის გენერალურმა მდივანმა, ირაკლი კუპრაძემ თბილისის პროკურატურასთან საგანგებო განცხადების გაკეთებისას აღნიშნა, იმ ცილისმწამებლური განცხადებებისთვის, რასაც წულუკიანი ხაზარაძე-ჯაფარიძესთან დაკავშირებით, მისივე ე.წ. საგამოძიებო კომისიაზე აკეთებს, მას პასუხისგება მოუწევს:
"სანქცირებული მურუსიძის სასამართლოს პირობებშიც კი, არ ვაპირებთ სამართლებრივი რეაგირების გარეშე დავტოვოთ კომისიაზე და პროპაგანდისტულ მედიაში გაჟღერებული პატივისა და ღირსების შემლახავი განცხადებები. სანამ თეა წულუკიანი და რუსული ოცნების საბჭოთა ტროიკის მსგავსი კომისია წარსდგება დამოუკიდებელი ქართული სასამართლოს წინაშე, ჩვენ ახლავე დავიწყებთ სამართლებრივ პროცესს და ასევე მივმართავთ სტრასბურგის სასამართლოს, რათა საზოგადოების თვალში ვამხილოთ რეალური ზრახვები. " განაცხადა კოალიციის გენერალურმა მდივანმა ირაკლი კუპრაძემ.
შეგახსენებთ, წულუკიანის კომისიაზე გამოუცხადებლობის გამო, ბადრი ჯაფარიძეს პროკურატურა დღეს ბრალდებას წარუდგენს. "ძლიერი საქართველოს" ერთ-ერთი ლიდერი თბილისის პროკურატურაში იმყოფება.
